Беларуская мова 10 клас на 5-7 мая 2020 г.

Тэма: Прыслоўе, марфалагічныя прыметы, сінтаксічная роля. Разрады прыслоўяў па значэнні. Утварэнне форм ступеней параўнання прыслоўяў, утварэнне і правапіс прыслоўяў.

Вучні павінны ведаць:

марфалагічныя прыметы прыслоўяў, іх разрады, правілы афармлення  на пісьме.

Вучні павінны умець:

знаходзіць  прыслоўі ў тэкстах, вызначаць іх разрады, утвараць і ужываць у маўленні прыслоўі.

Заданні:

1.Знайдзіце ў тэксце прыслоўі. Як вы лічыце, якая іх роля ў тэксце?

Казачны лес.

Уночы выпаў сняжок. Прыкметна пабялелі і без таго белыя бярозы. Пасвятлелі ельнікі. Белы колер у спалучэнні з зялёным вельмі пасуе дрэвам. Дубровы таксама выглядаюць урачыста. Ствалы дубоў імкнуць увысь, і кожны з іх заканчваецца нібы каронай. Снег, што наліп на іх, ажно ззяе ў сонечных промнях.

     Унізе таксама ўсё выглядае казачна. На белым фоне залаціцца лушпавінка сасновай кары, прабіваецца скрозь снег пажоўклы пучок зуброўкі. Аднекуль апусціўся чырвоны кляновы ліст, і ён як гусіная лапка. Хораша глядзяцца імхі. На дрэвах, на пнях. На каранях вываратняў яны здаюцца аксамітнымі.

2.Успомніце разрады прыслоўяў. Пры неабходнасці звярніцеся да табліцы на старонцы 209 у падручніку.

3. З практыкавання 336  выберыце любыя 5 прыслоўяў, карыстаючыся табліцамі на старонцы 211, утварыце ад іх усе магчымыя формы ступеней параўнання. Які вывад вы зробіце: ці ад усіх прыслоўяў утвараюцца формы ступеней параўнання?

4.Наступны крок у засваенні тэмы – утварэнне і правапіс прыслоўяў. Вам у дапамогу – правіла на старонцы 214 і табліца на старонцы 215.

5.Паспрабуйце праверыць сябе, выканаўшы практыкаванне 345. Пры неабходнасці карыстайцеся слоўнікам.

Атрымалася?  Малайцы!