Беларуская
мова 10-3 клас на 24-27 красавіка 2020 года
Тэма: Дзеепрыслоўе і
дзеепрыметнік як асобыя формы дзеяслова. Утварэнне, ужыванне і правапіс
дзеепрыметнікаў і дзеепрыслоўяў.
Вучні павінны ведаць:
марфалагічныя
прыметы дзеепрыметнікаў і дзеепрыслоўяў, правілы пунктуацыйнага выдзялення іх
на пісьме.
Вучні павінны умець:
знаходзіць дзеепрыметнікі
і дзеепрыслоўі ў тэкстах, утвараць і ужываць у маўленні ўласцівыя беларускай
мове дзеепрыметнікі і дзеепрыслоўі.
Заданні:
1.
Азнаёмцеся з матэрыялам
практыкавання 325 падручніка, параўнайце дзеепрыметнік і дзеепрыслоўе.
Узгадайце, што вы ўжо ведаеце пра гэтыя формы дзеяслова. Калі будзе цяжка,
вазьміце ў дапамогу табліцу на старонцы 203.
2.
Што такое
дзеепрыметнікавы і дзеепрыслоўны зварот? Якія знакі прыпынку ставяцца пры іх?
Звярніцеся да практыкавання 327. Пасля гэтага паспрабуйце расставіць знакі
прыпынку ў прапанаваных сказах:
Нягледзячы
на пахмурнае надвор’е адчуваю плывучы па Бабры незвычайную не спазнаную мною раней асалоду.
Нягледзячы
на незлічоную колькасць стагоддзяў, што шугалі над табой, знікаючы ў сівізне
мінуўшчыны ты плыла і будзеш плысці, і будзе чуваць гоман тваіх хваль, падобны
да мудрай нікім не паўторанай песні.
3.
Самае цяжкае ў тэме - пераклад
дзеепрыметнікаў з рускай мовы на беларускую. Паспрабуйце разабрацца з табліцай:
Словазлучэнне на рускай мове
|
Актуальныя прыкметы
|
Вывады
|
Налившаяся рожь
Покрасневшая ягода
Растущие вблизи деревья
Плачущий голос
Спросил остановившийся человек
Рассказывающий
|
Наліўное жыта (суфікс –вш-)
Пачырванелая ягада (суфікс–вш-)
Дрэвы, якія растуць паблізу (суфікс –ущ-)
Плаксівы голас (суфікс –ущ-)
Спытаў, спыніўшыся, чалавек (суфікс –вш-)
Апавядальнік (суфікс
–ющ-)
|
Суфіксы –вш-,–ущ-, ющ-, а таксама –ш-, -ем-, -ім- не
характэрны для беларускай мовы, таму
замяняем дзеепрыметнікам з ужывальным суфіксам, даданым сказам, прыметнікам,
дзеепрыметнікам, назоўнікам
|
4. Перакладзіце на
беларускую мову словазлучэнні:
признавший
себя виноватым, надломанная веточка, переваренное варенье, собранные
ягоды, подкормленные растения, бодрящий
ветер, обессилевший после боя, нагноившаяся рана, расписавшиеся в дневниках, пронизывающий
холод.
5. Выканайце
марфалагічныя прапорцыі (пры неабходнасці карыстайцеся слоўнікам):
Сопутствующие явления
|
?
|
|
?
|
Сход, які адбудзецца
|
|
Оледеневший металл
|
?
|
|
Разлезшийся мешок
|
?
|
|
?
|
Усвядомленая памылка
|
|
?
|
Лес, які шуміць
|
|
?
|
Пагрозлівае становішча
|
|
Трепещущие крылья
|
?
|
|
6.Выпраўце
памылкі ва ўжыванні дзеепрыметнікаў і дзеепрыслоўяў:
Ужыванне
дзеепрыметнікаў
|
Ужыванне
дзеепрыслоўяў
|
Прынесяныя кнігі мяне зацікавілі.
Падручнікі расстаўленыя самім вучнем сведчылі пра
яго цягу да акуратнасці.
Прысуджаным да пакарання ім ніхто не спачуваў.
|
Вышывая ручнік Маша слухала радыё.
Забіўшы паліцая, Сотнікава самога параніла.
Любаваўшысь вавёркамі хлопчыкі і дзяўчынкі ішлі па
сцяжынцы праз лес.
|
Пераацэненныя, абклеяны, засеяныя, прывезяныя з
пошты пісьмы, загоеныя раны, аловак завостраны ўручную, пабудаваны, забеляны,
атрыманныя, купленныя.
Хаваячыся за хмары даўно заснуў месяц заснулі
дажджом прыбітыя палі.
Крыху збянтэжыўшыся Сымон хутка знайшоў адказ на
недарэчны жарт.
|
Даведаўшыся пра вызваленне Мінска нас акрыліла
надзея хутка вярнуцца ў родныя мясціны.
Пісаўшы работу я ўвесь час аб нечым думаў.
Расказваючы анекдоты ўсім было смешна.
Не варушыўшыся хлопцы глядзелі на дарогу.
Ідучы дадому з’явілася жаданне наведаць сябра.
Развітаўшыся з сям’ёю было трохі сумна.
Ехаўшы да бацькоў Максім думаў аб нечым сваім.
|
Выкананыя заданні даслаць на адрас ludmilaburvin@yandex.ru ці ў вайбер. Поспехаў усім!
Комментариев нет:
Отправить комментарий